एडविन रातो र अन्य रंगहरुको विविधता देखेर अचम्मित भए । जातीय विविधताले भरिपूर्ण नेपाल फोटोग्राफी गन्तव्यको लागी उत्कृष्ट भएको निष्कर्षमा पुगे जात्रा, पर्व, वन्य जन्तु, प्राकृतिक दृश्य र काठमाण्डूमा स्ट्रीट फोटोग्राफी गर्न पाउदा र ती तस्वीर क्यामरामा कैद गर्न पाउदा औधि खुसी भए । तर, नमज्जा त्यतिबेला भयो, जब उनले नगरकोटबाट हिमाली दृश्य खिच्न पाएनन । भन्छन्, ‘पानी पर्दिनाले नगरकोटबाट देखिन हिमाली दृश्य खिच्न नपाउदा नरमाइलो भयो । तर, केही छैन, अर्को पटक फेरि आउने छौं ।’

लिम र एडविन सहितका झण्डै एक दर्जन फोटोपत्रकारहरुको यात्रा व्यवस्थापन पोकलड़े एडभेनचर टुर्स एण्ड ट्राभलले गरेको थियो । उक्त ट्राभल्सका कार्यकारी अधिकृत इन्द्र खनालका अनुसार, फोटोग्राफी पर्यटन नेपालमा उच्च सम्भावना बोकेको क्षेत्र हो । तर, सरकारी उदासीनता र ट्राभल संचालकको ज्ञानको कमीले यी खाले पर्यटक अनेत्र जाने गरेको उनी बताउछन । भन्छन्, नेपाली पर्यटनमा नया प्रोडक्ट नहुनुले हाम्रो पर्यटन सुस्त गतिमा हिडेको छ । फोटोग्राफी पर्यटनको प्रवद्र्धन राम्रोसंग गर्न सके यो अर्को सम्भावनाको क्षेत्र बन्नसक्छ ।’

२००७ सालको जनक्रान्ति पछि नेपाललाई विस्व सामु चिनाउने प्रमुख व्यक्ति स्विस भूगर्भशास्त्री र अन्वेषक टोनी ह्यागेन थिए । उनले गरेको नेपालको अध्ययनले बाहिरी दुनियालाई  नेपालको  भूगोल, वनस्पति, जनजीवन र सम्भावनाहरूको  बारेमा विस्तृत जानकारी मिल्यो । त्यस पश्चात नेपालमा पर्यटनको आँगमन र तिनिहरूले लिएका तश्विरहरूले नजानिदो गरी नेपालमा फोटोग्राफी पर्यटनमा बृद्दी गरेको देखींछ । 

हिपिकालीन समयले पनि नेपाली कला, संस्कृति, जात्रा, पर्वको पनि प्रचार गर्न मद्धत गरेको थियो । १९९० पछि धेरै निषेधित क्षेत्र पर्यटकका लागि खुल्ला गरे पछि नेपालमा फोटोग्राफी पर्यटन ह्वात्तै बृद्दी भयो । नेपालमा प्राकृतिक सौन्दर्य, सांस्कृतिक धरोहर, र विविध भू–परिधिहरूले फोटोग्राफी पर्यटनलाई आकर्षक बनाएको छ । हिमालयका मनोरम दृश्यहरू, काठमाण्डौं उपत्यकाका ऐतिहासिक सम्पदाहरू, ग्रामीण क्षेत्रका परम्परागत जीवनशैली, र वन्यजन्तुहरूको फोटो खिच्न उत्सुक पर्यटकहरूको आकर्षणको केन्द्र बनिरहेका छन ्।

नेपालको अर्थतन्त्रको दिगो विकसमा पर्यटनको महत्वपूर्ण भूमिका छ । पर्यटनका विविध आयामलाई सँगै अगाडि बढाउन सके देशको अर्थतन्त्रमा पर्यटनको ठूलो योगदान रहनेछ । यसर्थ फोटोग्राफी पर्यटनको यहा उच्च सम्भावना छ । मन्दिरहरूको शहर उपत्यका, यहाको नेवारी वास्तुकला, जात्रा, भेसभुसा, स्थानीय चाडपर्वहरू र पुरातात्विक सम्पदाले उपत्यका भित्र आम पर्यटक र फोटोग्राफर पर्यटक र अरु आम पर्यटक सबैलाई आकर्षित गर्छ । 

काठमाण्डौं उपत्यका मात्र नभई फोटोग्राफी पर्यटन नेपालका ग्रामीण भूभागमा पनि प्रचलित छ । पद यात्रा, हिमाल आरोहण, विकट ग्रामीण वस्ति, शेर्पा र  गुरुङ संस्कृति तथा वन्यजन्तुको फोटो खिच्ने साहसी पर्यटन पनि भई रहेका छन ।  चितवन राष्ट्रिय निकुञ्ज, बर्दिया राष्ट्रिय निकुञ्ज जस्ता संरक्षित क्षेत्रहरूमा बाघ, गैँडा, हात्ती लगायतका जनावरहरूको तस्वीर खिच्न सकिन्छ । फोटोग्राफी पर्यटनले स्थानीय अर्थतन्त्रमा योगदान पुर्याउँदैछ ।

फोटोग्राफी पर्यटन विशेषतः यात्रा अवधिमा  फोटो खिच्ने र फोटोग्राफी सिप सिक्ने उद्देश्यले प्रेरित यात्रा हो । यसखाले यात्रा सामान्यतया फोटोग्राफीमा नै केन्द्रित हुन्छन यद्दपी यी अनुभवहरु प्रकृति, संस्कृति या कलासँग जोडिएका हुन । पछिल्ला दिनहरुमा नेपाल फोटोग्राफी पर्यटनका लागी उपयुक्त गन्तव्य बन्दै गएको प्रसस्त उदाहरण छन। अन्तराष्ट्रीय व्यवसायिक फोटोग्राफरहरुको नेतृत्वमा नेपालमा फोटोग्राफी पर्यटन प्याकेज संचालनमा छन जसमा फोटोग्राफरहरु, फोटोग्राफी सीप सिक्ने र उत्कृष्ट फोटो स्पट भ्रमण गर्ने गर्छन् । मूलतः नेपलमा प्राकृतिक दृश्य, वन्यजन्तु, वास्तुकला, सांस्कृतिक पर्व तथा जात्राहरुसँग समवन्धित फोटोग्राफी पर्यटन, पर्यटकको रोजाईमा पर्छन । काठमाडौ उपत्यका, पोखरा उपत्यका, नदी तथा सिमसार क्षेत्र, राष्ट्रीय निकुंज, पद यात्रा, जंगल सफारी, तथा अन्य साहसिक पर्यटन फोटोग्राफी पर्यटनका लागी  आकर्षणका केन्द्र हुन ।