ब्लूचिप सेक्युरिटिज लिमिटेडका प्रमुख कार्यकारी अधिकृत डिल्लीराम पंगेनीलाई ‘युवा व्यवसाय नेतृत्व पुरस्कार’ (Youth Business Leadership Award) प्रदान गरिएको छ।
प्रोफेशनल अचिभमेन्ट अवार्ड टिमद्वारा आयोजित विशेष समारोहमा, जो काठमाडौंमा सम्पन्न भएको थियो, पंगेनीलाई यो प्रतिष्ठित पुरस्कार दिइएको हो। पूर्वप्रधानमन्त्री पुष्पकमल दाहाल “प्रचण्ड” ले पुरस्कारको प्रमाणपत्र हस्तान्तरण गरेका थिए।
पंगेनीलाई व्यवसायिक क्षेत्रमा देखाएका दुरदर्शिता, उत्कृष्ट नेतृत्व क्षमता र युवा पुस्तालाई उद्यमशीलतामा प्रोत्साहित गर्ने योगदानको लागि सम्मानित गरिएको आयोजकले बताए।
पुरस्कार ग्रहण गर्दै पंगेनीले यस सम्मानलाई आफ्नो सम्पूर्ण टिम र व्यवसायिक क्षेत्रमा निरन्तर साथ दिने सबैलाई समर्पित गर्ने प्रतिबद्धता व्यक्त गरे। उनले भविष्यमा अझ पारदर्शी, दिगो र नवीनतम व्यवसायिक अभ्यासमार्फत देशको अर्थतन्त्रमा योगदान पुर्याउने अठोट पनि पुनः दोहोर्याए।
यस पुरस्कारले युवा पुस्तालाई व्यवसायिक क्षेत्रमा अघि बढ्न थप प्रेरणा दिने विश्वास गरिएको छ। पंगेनी सामाजिक क्षेत्रमा पनि सक्रिय रहेर युवा व्यवसायीको रुपमा आफ्नो पहिचान बनाइरहेका छन्।
Leave a Reply